Ce site utilise des cookies afin que nous puissions vous fournir la meilleure expérience utilisateur possible. Les informations sur les cookies sont stockées dans votre navigateur et remplissent des fonctions telles que vous reconnaître lorsque vous revenez sur notre site Web et aider notre équipe à comprendre les sections du site que vous trouvez les plus intéressantes et utiles.
Organiséiert vu Cabarenert en Kollaboratioun mam CCRN.
LuxiLeaks - Cabarenert
ënnert der Regie vum Guy Geimer
Auteuren : Roll Gelhausen, Jay Schiltz, Al Ginter, Guy Wagner, Josy Braun, Jhemp Hoscheit
Musek : Camille Nanquette, Marc Schmidt
Technik : Charles Stoltz
Kostümer : Sylvie Hamus a Cristina Kneip
Psssst!!!! Näischt weidersoen, et ass alles geheim. Esou geheim, datt all Mënsch et weess! Jiddweree weess eppes, awer kee vill, an ob et iwwerhaapt stëmmt, dat sief dohigestallt.
Wou koumen déi Informatiounen hier? Ass do éieren een net dicht, gëtt éieren nogehollef, nogesicht, nogefuerscht, nogebuert oder ass d’Material muedebëtzeg? Well dann zitt et aus de Lächer, an et facht; et ass eppes faul. All déi Ondurrenheete kommen un d’Liicht, awer si géinge se léiwer verstoppen an nimools weisen.
Du kriss alles um Plateau zerwéiert, mee pak nëmmen näischt un! Du verbrenns der d’Patten. Dat si gliddeg Eisen, an awer; du kriss se fir d’Vrecken net gebéit; och wann s du de Mond wässereg gemaach kriss. Ass et net besser, du gëss iwwerhaapt näischt gewuer?
Hues du nach ëmmer net bekäppt? Këmmer dech ëm näischt, da kënns de an näischt! Stay behind! Allez hopp: shredder alles, kier alles ënnert den Teppech oder stiech einfach alles hannescht an d’Lach! Dajee… maach virun, soss hänks du op eemol mat an de Seeler!